Одбојкарите на Вардар дури во 5.коло од првата одбојкарска лига на Македонија се радуваа на првата победа во новата натпреварувачка сезона.
Попладнево ОК Вардар во крајно возбудлив и изедначен натпревар ја победија Шкендија со 3-1 по сетови (25:17, 22:25, 25:20, 25:23) и останаа во игра и борбата за влез во плејофот.
Црвено-црните го добија овој дерби дуел и им го нанесоа вториот пораз на тетовскиот тим, а благодарение на новите засилувања во составот на Вардар овој тим веќе има респектабилен ростер за големи дострели.
Филип Блажовски, хрватот Гирлиќ и репрезентативецот на Иран, Акбари, беа едни од најзаслужните за оваа првата сезонска победа на ОК Вардар, а одлична партија прикажаа сите одбојкари на домашниот тим.
Поддршка за нашиот тим од трибините даде и градоначалникот на Општина Петровец, Борче Митевски.
На останатите средби од ова 6.коло до победи стигнаа домашните екипи, Струмица, Универзитет во Тетово, Лирија и Штип УДГ.
Во следното 7.коло кое е на програмата престојниот викенд, ОК Вардар игра нагости кај Јанта Волеј во населбата Кисела Вода.
