Одбојкарите на Вардар не успеаја да се пласираат во големото финале од Купот на Македонија откако во полуфиналето од завршниот турнир во Струмица претрпеа пораз од екипата на Џио Струмица со 0-3 во сетови. Коронавирусот создаде големи проблеми во пресрет на овој турнир, тимот отпатува без првиот тренер Трајковски и без неколку одбојкари, што се одрази и врз изданието на „црвено-црните“ во ова полуфинале.
Желбата за подвиг сепак беше недоволна, па струмичани стигнаа до максимална победа во оваа полуфинална пресметка. Домашниот тим го доби првиот сет со 25-14, во вториот сет Вардар освои 17, а во третиот 16 поени.
Во големото финале Струмица Џио ќе се сретне со Универзитет Тетово, кој славеше во пресметката со Шкендија.
