ЖОК Вардар„Вардарки“ импресивни на стартот на сезоната

October 31, 20200

Одбојкарките на Вардар во голем стил ја стартуваа новата сезона, триумфирајќи со 0-3 во градската пресметка против Јанта Волеј, на мечот што го игравме на гостински терен во салата во Кисела Вода. Првите средби на нашиот тим беа одложени поради коронавирусот, „црвено-црните“ ниту денеска не беа комплетни, но тоа не им пречеше да одиграат перфектен меч и заслужено да стигнат до убедлив триумф.

Разликата во квалитет беше очигледна уште од самиот старт, па Вардар лесно и убедливо го доби првиот сет со 16-26. Јанта Волеј посериозно се спротивстави само во вториот сет што „црвено-црните“ го добија со 22-25, за во третиот период „вардарки“ целосно да доминираат и да слават со убедливи 14-25.

Најдобар поединец на натпреварот беше нашиот техничар Ивана Пејовска, која извонредно ги разигра сите одбојкарки на Вардар, за беспрекорно издание во нападот и почетен триумф во новата сезона.

25:16 / 25:22 / 25:14

Leave a Reply

Your email address will not be published. Required fields are marked *

О.К ВАРДАР

novo-logo-vardar-01-1-1280x1810 copy-foother

Упорност. Среќа. Триумф. Пораз. Гледаме дека сето тоа останува на теренот, бидејќи одбојкарската сезона е официјално врз нас.