ЖОК Вардар„Вардарки“ со перфектен скор во Првата лига

November 28, 20200

Одбојкарките на Вардар продолжуваат со беспрекорните изданија во домашниот шампионат откако денеска во рамките од шестата рунда ја забележаа и својата шеста победа. „Црвено-црните“ во Скопје го пречекаа тимот на УГД Штип, триумфирајќи со максимални 3-0 и останувајќи без загубен сет оваа сезона.

„Вардарки“ почнаа импресивно, триумфирајќи во првиот сет со преубедливи 25-9. Гостинките од Штип дадоа посериозен отпор во остатокот од натпреварот, но нашиот тим сепак стигна до максимален триумф славејќи со 25-21 во вториот и со 25-20 во третиот сет.

Одличните игри во домашното првенство се увертира за настапот во Челинџ-купот на ЦЕВ. Вардар без борба го мина првото коло поради откажување на финскиот претставник, а ЦЕВ сега реши да организира „балон“ во Капошвар, Унгарија, каде „црвено-црните“ на 9 декември ќе се сретнат во еден меч со Нитра од Словачка.

Leave a Reply

Your email address will not be published. Required fields are marked *

О.К ВАРДАР

novo-logo-vardar-01-1-1280x1810 copy-foother

Упорност. Среќа. Триумф. Пораз. Гледаме дека сето тоа останува на теренот, бидејќи одбојкарската сезона е официјално врз нас.