ОК ВардарВардар триумфално ја почна новата година

February 6, 20210

Одбојкарите на Вардар триумфално ја стартуваа новата година откако во првиот меч во 2021 рутински славеа на гостувањето против Борец Велес со 1-3 во сетови. „Црвено-црните“ влегуваат во вториот дел од сезонава со значително променет состав, но и со подмладени сили покажаа квалитет и потенцијал за лесно да прокнижат нови прволигашки бодови.

„Вардарци“ беа подобри од самиот почеток на мечот, добивајќи го првиот сет со 25-20. Добрата игра продолжи и во вториот сет, што нашите одбојкари го добија со 25-18, најавувајќи ја победата на оваа средба. Удобната предност предизвика мало опуштање во таборот на „црвено-црните“, поради што дојде до пад во нивото на игра, а Борец го искористи тоа и го доби третиот сет со 25-18.

Ова делуваше како „шок-терапија“ за „вардарци“, кои во четвртиот сет влегоа во својот препознатлив ритам, славејќи со убедливи 25-15 за печат на заслужениот триумф.

Следен предизвик за одбојкарите на Вардар е куп-дуелот со екипата на Штип што на програмата е в среда.

Leave a Reply

Your email address will not be published. Required fields are marked *

О.К ВАРДАР

novo-logo-vardar-01-1-1280x1810 copy-foother

Упорност. Среќа. Триумф. Пораз. Гледаме дека сето тоа останува на теренот, бидејќи одбојкарската сезона е официјално врз нас.